AS NOSAS CHAPAS COS PÉS NA TERRA!

Bo día, Curuxiñalector@s!

Estamos moi orgullosa de compartir convosco o resultado das nosas creacións! Como sabedes, un dos nosos obxectivos é fomentar que vós sexades quen cree e ensine. Por iso, os nos@s alumn@s prepararon un vídeo titorial onde vos explican, paso a paso, como se fan as chapas. El@s foron @s encargad@s de manexar as ferramentas e explicar cada detalle, demostrando que a creatividade non ten límites!

Estas chapas son moi especiais, xa que utilizamos o seu coñecemento para facer as que entregamos como agasallo no Día das Bibliotecas Escolares, levando o logo do noso PDI.

Vede o vídeo aquí para aprender a facer as vosas propias creacións.

Aproveitamos para lembrarvos que a Biblioteca Creativa está sempre aberta para calquera proxecto que queirades impulsar!

O NOSO INVERNADOIRO E COMPOSTEIRO XA ESTÁN LISTOS

 Bo día, Curuxiñalector@s!

Temos unha noticia fantástica que conecta directamente coas lecturas das nosas Mochilas Viaxeiras e o noso PDI, "Cos Pés na Terra"!

A teoría que lemos nos libros sobre ciclos naturais e coidado do solo xa non é só papel. Xa temos o noso propio invernadoiro e composteiro en funcionamento!. Agora podemos poñer en práctica todo o aprendido sobre a xerminación, o crecemento das plantas e a importancia dos hábitos saudables . O composteiro permítenos entender de primeira man como os restos orgánicos se transforman en alimento para a terra, pechando o ciclo da natureza que tanto estudamos.

Vinde pronto ver como as sementes que lemos nos libros comezan a crecer de verdade!

CONTOS DE MEDO E RECICLOMANUALIDADES ENCANTADAS

 Bo día, Curuxiñalector@s!

Como vos anuncie, a nosa celebración de Samaween foi un éxito total, e agora podemos revivir eses momentos tan especiais!

Neste vídeo que vos deixo, podedes ver todas as marabillosas manualidades terroríficas que creastes en familia usando materiais reciclados coidando así a Terra. Mirade que creatividade puxestes nas vosas caixas encantadas!

Ademais, para completar a temática, incluímos fragmentos dos contos de medo que nos contaron a nosa auxiliar de conversa e as profes de inglés. Foron narracións cheas de misterio e perfectas para practicar o idioma!

Agora que as pantasmas volven ao seu lugar, lembrade que a biblioteca segue aberta! Agardan por vós moitas máis aventuras nas estanterías. Sempre hai un novo conto esperando!

NOVIDADES E RECOMENDACIÓNS PARA UN SAMAWEEN DE CONTOS!

Bo día, Curuxiñalector@s!

Coa chegada de Samaween, a nosa biblioteca quere axudarvos a celebrar estas datas cheas de misterio e maxia! Aquí vos deixo unha selección de novidades e recomendacións que podedes levar para gozar en familia.

O MEU ANIVERSARIO NA BIBLIOTECA: XOGOS, MISTERIOS E O FUTURO (ODS 2030)

Bo día, Curuxiñalector@s!

Que semana tan especial vivimos! Celebramos por todo o alto o Día das Bibliotecas Escolares durante o xoves, venres e luns, e quero compartirvos estas aventuras.

@s Pequen@s Exploradores (Infantil), despois da emocionante dramatización do conto "Que tal vexetal!",  mergulláronse en xogos. Realizaron actividades centradas en experimentar con diferentes alimentos e recoñecer as emocións que nos provocan (sorpresa, noxo, ledicia..). Todo isto estivo ligado ao noso Proxecto Documental Integrado, afondando no respecto polos alimentos e a alimentación sa.

@s Maiores (Primaria) tiveron un reto de investigación! Superaron diferentes probas relacionadas cos Pés na terra e os Obxectivos de Desenvolvemento Sostible, como os hábitos saudables. Resolveron "O Enigma do Candado" no cal  o obxectivo final era atopar o código segredo para abrir a mochila viaxeira que levarán a casa: 2030. Este número simboliza o ano no que queremos ver o mundo que estamos a construír!

Foi unha semana de moita lectura, aprendizaxe activa e traballo en equipo. Grazas a tod@s os que participastes!

Déixovos unha mostra do ben que o pasamos!!!!

SAMAWEEN: CONTOS DE MEDO E NATUREZA!

 Bo día, Curuxiñalector@s!

Chegou a época máxica do outono, e con ela, a celebración de Samain e Halloween. Este ano, imos darlle unha volta de temática salvaxe e literaria! Para iso, preparamos unha xornada chea de misterio e aprendizaxe, conectando as nosas tradicións coa lectura e o noso PDI, Cos Pés na Terra.

Teremos sesión de storytelling en inglés con contos que mesturan o misterio de Halloween con personaxes da natureza (fantasmas de follas, morcegos, etc.).Relacionaremos as historias de Samain co ciclo da natureza que estamo s a estudar. Falaremos de como o outono é o tempo de recolleita, descanso e transformación, igual que as historias de medo nos fan reflexionar sobre o cambio.

As nosas aulas, os corredores e a biblioteca  converteranse en escenarios encantados! Decoraremos os espazos con caixas terroríficas (castelos encantados, cadaleitos, cabazas...) Por iso, pregamos a todas as familias que se animen a traer unha creación propia decorada con motivos de medo, empregando materiais reciclados. Esta actividade non só fomenta a creatividade, senón que tamén promove a conciencia ambiental, a sustentabilidade e o amor pola natureza.

Creatividade ao servizo do planeta! 

CELEBRANDO AS BIBLIOTECAS ESCOLARES CON QUE TAL VEXETAL E A NATUREZA!

 Bo día, Curuxiñalector@s!

Temos unha celebración moi especial á vista! O vindeiro 23 de outubro, conmemoraremos o Día das Bibliotecas Escolares na etapa de infantil. 

Os maiores do colexio terán a oportunidade de ler e dramatizar o conto, Que tal vexetal!. Este libro é perfecto porque, ademais de falarnos de emocións, conecta directamente co noso PDI, Cos pés na terra. Ao falar das emocións a través dos vexetais, reforzamos a idea de que o noso benestar está ligado ao coidado do noso entorno e da terra. Despois da lectura, teremos unha serie de xogos moi divertidos que estarán relacionados co noso Proxecto Documental Integrado. Será un día cheo de aprendizaxes, risas e, sobre todo, de moita maxia literaria! 

Déixovos aquí o horario para ese día pequenos e pequenas curuxiñas.

Vémonos na biblio, agardan sorpresas!!!