ENTREGA DE AGASALLOS

 Bo día, Curuxiñalector@s!

Hoxe fixemos entrega dun agasallo aos gañadores e gañadoras do BOOKFACE . Parabéns pequenos e pequenas artistas!Desexamos que vos guste. 

ADIANTE COAS LECTURAS!

RECOMENDACIÓNS LECTORAS EN GALEGO POLO DÍA DAS LETRAS GALEGAS

 Bo día, Curuxiñalector@s!

Ler en galego tamén é celebrar quen somos. Coa chegada do Día das Letras Galegas, volvemos abrir o noso GALERFLIX. Un lugar para descubrir libros, compartir lecturas e volver poñer no centro a nosa lingua e a nosa literatura.

AGASALLOS QUE FAN MEDRAR HISTORIAS

Bo día, Curuxiñalector@s!

Na nosa Semana do Libro celebramos a maxia das lecturas con moita ilusión e pequenos agasallos para lembrar estes días tan especiais. 

Todos os participantes do Bookface recibiron un diploma e un imán como recoñecemento á súa creatividade e colaboración. Ademais, os máis especiais levaron tamén un libro para seguir soñando entre páxinas.

E porque neste cole seguimos a nosa temática Cos pés na Terra, todos os nenos e nenas que participaron nas actividades programadas polo Día do Libro recibiron un lápiz plantable, un pequeno detalle cheo de vida e futuro. 

Que vivan as lecturas, a imaxinación e o Día do Libro!

GAÑADORAS E GAÑADOR DO BOOKFACE

 Bo día, Curuxiñalector@s!

Xa coñecemos ás persoas gañadoras do noso concurso de Bookface: Olivia Castro, Julia Sabín, Lucía Ramos e Hugo Maroño.

Parabéns aos premiados e premiadas e moitas grazas a todo o alumnado pola súa participación, creatividade e imaxinación. Recibimos propostas fantásticas que demostraron que os libros tamén poden ser moi divertidos.

Grazas por participar!

RESULTADO FINAL BOOKFACE

 Bo día, Curuxiñalector@s!

Hoxe pechamos unha etapa moi especial: deixo atrás o BOOKFACE co resultado final xa listo. Foi un proceso creativo, divertido e cheo de momentos compartidos que non esqueceremos. Queremos dar as grazas de corazón a todas as familias que participaron, pola súa implicación, entusiasmo e gañas de formar parte desta iniciativa. Sen vós, nada disto tería sido posible.

Agardamos que desfrutárades tanto coma nós e que vos faga sorrir cada vez que o vexades. Dentro de pouco daremos a coñecer os gañadores e gañadoras do premio especial e procederemos á entrega dos agasallos por participar.

XOGO DE PISTAS POLO DÍA DO LIBRO

 Bo día, Curuxiñalector@s!

No Día do Libro vivimos unha xornada moi especial chea de aventuras, pistas e moita ilusión. O alumnado de 6º converteuse en auténticos dramatizadores do conto O ladrón de flores, dando vida aos personaxes e creando un ambiente máxico para comezar a actividade.

A partir desta historia, organizamos catro estacións relacionadas co noso PDI e co libro, nas que o alumnado tivo que superar diferentes retos, resolver pistas e traballar en equipo. Cada proba permitiulles aprender, investigar e divertirse ao mesmo tempo, facendo da lectura unha experiencia dinámica e participativa.

Os maiores tamén gozaron dunha actividade moi especial: un xogo de orientación no que tiveron que poñer en práctica a súa capacidade de observación, orientación e cooperación para atopar as diferentes pistas escondidas.

Foi unha xornada fantástica na que os libros, o xogo e o traballo en equipo se uniron para celebrar a importancia da lectura dunha maneira diferente e moi divertida.

RENOVANDO O NOSO QUIOSCO!

 Bo día, Curuxiñalector@s!

Temos novidades na biblio! Xa chegaron novos libros, e o mellor de todo é que son títulos que vós mesm@s pedistes no niño de suxestións. Pasade a velos, collede o voso favorito e seguide enchendo a biblioteca de boas ideas.

Agardámosvos!!