CLUB DE LECTURA "VOADOR@S DE LIBROS"

 

Bo día, Curuxiñalector@s! 

No mes de decembro inauguramos o noso club de lectura "Voador@s de libros". Tod@s os nenos e nenas de 6º de educación primaria estades invitados a participar nesta experiencia. 

Este ano o título seleccionado é "Formig4s: Misión Tokyo" a apasionante aventura de 4 formigas que tras recibir unha mensaxe de auxilio embárcanse nunha misión épica cara Tokyo. Na súa viaxe deberán facer fronte a desafíos e perigos, pero tamén descubrirán a importancia da amizade e do traballo en equipo.

Cada mes teremos unha xuntanza para adentrarnos na cidade de Tokyo e na súa interesante cultura. Con isto buscamos abrir as fronteiras da nosa vila Magdalena, aprendendo sobre outras realidades vendo como podemos facer do noso pobo un lugar máis sostible. 

Na primeira xuntanza agárdavos unha pequena sorpresa que estou segura que vos vai encantar! Moi atentos voadores de libros! 

#Voador@sDeLibros

LECTURAS POLO NADAL

 Bo día, Curuxiñalector@s!

O noso carriño xa está preparado para estas datas que están a chegar. Vide ollar as novas adquisicións!!!

OBRADOIRO IMPRESIÓN 3D

 Bo día, Curuxiñalector@s!

Na nosa Vila Magdalena loitamos por un mundo onde todos os nenos e nenas teñan as mesmas oportunidades, fomentamos o papel das nenas na ciencia e tratando sempre de buscar actividades que activen o sentido emprendedor tal e como nos di a axenda 2030.

 Por iso, proximamente terá lugar na biblio un obradoiro de impresión 3D que preparei con moita ilusión para os nenos e nenas de 6º de primaria. Espérovos na biblio os días 29 de novembro e 3 de decembro. Xa estou desexando comezar! Ide pensando os vosos deseños para logo fabricar ilusións coa impresora 3D. 

  

RECREOS CREATIVOS

 Bo día, Curuxiñalector@s!

Decatástesvos do novo recuncho que temos na biblio? Como xa sabedes este ano estivemos de reformas e a última novidade incorporada é unha parede imantada onde colocar letras para formar palabras, formas para facer composicións ou números. Na nosa biblio aprendemos de forma divertida, xogando, experimentando e investigando, sempre velando polo cumplimento dun dos obxectivos da axenda 2030 por unha educación de calidade. 

 

VOEMOS LIBRES DE VIOLENCIA DE XÉNERO EN VILA MAGDALENA

Bo día, Curuxiñalector@s!

O 25 de novembro é unha data marcada no noso calendario. Dende Vila Magdalena todos alzamos a voz contra a violencia de xénero. Hoxe máis que nunca debemos gritar NON a seguir sumando vítimas, NON a agresións sexistas, NON a normalizar actitudes que non son as correctas, NON a pasar de longo a comportamentos violentos, en definitiva NON A VIOLENCIA DE XÉNERO. Nesta vila o noso obxectivo sempre será loitar pola igualdade de xénero. 

As bolboretas simbolizan unha transformación, un cambio positivo na vida e liberdade, por iso, propóñovos a elaboración destas con papel de seda. Ademais, déixovos unhas recomendacións lectoras para traballar ao longo desta semana para chegar ben preparados para celebrar o #25N.

 

VILA MAGDALENA: ESPAZO LIBRE DE VIOLENCIA DE XÉNERO

NOVIDADES

 Bo día, Curuxiñalector@s!

O martes espéravos unha chea de novidades na biblio, non dubidedes en vir. En Vila Magdalena traballamos en prol da redución das desigualdades sociais.

ADIANTE COAS LECTURAS!!!

SAMAWEEN

 Bo día, Curuxiñalector@s!

En Vila Magdalena creamos o noso Samaween (Samaín e Halloween).

Durante estes días os padriños e madriñas lectoras leron aos seus compañeiros e compañeiras contos en galego, castelán e inglés. Coma sempre unha experiencia enriquecedora. 

Estamos a construír un pobo mellor e por iso traballamos os obxectivos da axenda 2030. Grazas ás familias por colaborar con nós en prol disto.