Bo día, Curuxiñalector@s!
Estou moi contenta de anunciar a inauguración do composteiro no noso centro, un paso importante cara á sustentabilidade e á educación ambiental! O alumnado de 6ºA foi o primeiro en encargarse da área de compostaxe, aprendendo a xestionar residuos orgánicos e a transformar restos de comida en compost nutritivo para as nosas plantas.
Este proxecto non só contribúe á redución de residuos na escola, senón que tamén fomenta hábitos responsables entre os nosos estudantes. A compostaxe é unha práctica esencial que apoia a saúde do medio ambiente e a biodiversidade.
Estou moi orgullosa do compromiso dos nosos nenos e nenas e animamos a toda a comunidade escolar a participar nesta iniciativa.
Xunt@s, podemos facer unha gran diferenza!
No hay comentarios:
Publicar un comentario